walang taong isla

Ang buhay nga naman hindi gaya sa isang fairytale na lahat ay happy ending,dahil dapat huwag nating isipin na lahat ay may katapusan, malay mo sa mga susunod na buhay mo ay magising ka nalang na nasa katawan ka ng isang aso, hindi natin masasabi. Ang magagawa lang natin ay ang maghintay at magtagumpay sa kung saan mang larangan ng buhay. Mahirap? Aba'y syempre naman, hindi naman kasi isang quiz ang buhay, na kung nahihirapan ka na ay mangongopya ka nalang, dahil sa hindi nakatingin ang inyong guro o exam na kapag hindi mo alam ang sagot ay unti-unti mo nang tinitignan ang kodigo mo na nakasuksok sa kung saan mang hindi nahahalata (hindi ako nangungodigo, nagrereview ako. FYI. ). Ang tingin buhay ay parang isang jigsaw puzzle, minsan boooooooring, minsan naman masaya depende sa mood mo at kapag nahihirapan ka na at sa tingin mo ay wala ka nang time para magreview para sa exam bukas ay pwede kang magpatulong sa isang kapamilya, kapuso o kahit sa isang kaibigan. Dahil walang taong nagtatagumpay na mag-isa na masaya sa buhay. Pero nakadepende sa iyo iyan kung ano ang tingin mo sa buhay. Basta huwag kakalimutang minsan ay magsaya at ngumiti pero huwag naman sobra ng walang kasama baka mapagkamalan ka.